zehn-e-rasa ki girhen magar kholne lage

Wazir Agha

zehn-e-rasa ki girhen magar kholne lage

Wazir Agha

MORE BYWazir Agha

    zehn-e-rasā girheñ magar kholne lage

    phir yuuñ huā ki log hameñ taulne lage

    āhista baat kar ki havā tez hai bahut

    aisā na ho ki saarā nagar bolne lage

    umr-e-ravāñ ko paar kiyā tum ne aur ham

    rassī ke pul pe paañv rakhā Dolne lage

    dastak havā de ki ye bandish tamām ho

    suune gharoñ meñ koī to ras gholne lage

    maiñ ban gayā guhar to mirā is meñ dosh kyā

    be-vaj.h mujh ko ḳhaak meñ tum rolne lage

    zehn-e-rasa ki girhen magar kholne lage

    phir yun hua ki log hamein taulne lage

    aahista baat kar ki hawa tez hai bahut

    aisa na ho ki sara nagar bolne lage

    umr-e-rawan ko par kiya tum ne aur hum

    rassi ke pul pe panw rakha Dolne lage

    dastak hawa hi de ki ye bandish tamam ho

    sune gharon mein koi to ras gholne lage

    main ban gaya guhar to mera is mein dosh kya

    be-wajh mujh ko KHak mein tum rolne lage

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY