zehn par bojh raha, dil bhi pareshan hua

Tariq Qamar

zehn par bojh raha, dil bhi pareshan hua

Tariq Qamar

MORE BYTariq Qamar

    zehn par bojh rahā, dil bhī pareshān huā

    in baḌe logoñ se mil kar baḌā nuqsān huā

    maat ab ke bhī charāġhoñ ko huī hai lekin

    chaak is baar havā bhī garebān huā

    oḌhe phirtā huuñ shahādat lahū-rañg qabā

    rañg terā thā so vo mirī pahchān huā

    ādatan aañkh chhalak uTThī hai hañste hañste

    mire dost bilā-vaj.h pareshān huā

    tez paanī āvāz gale se niklī

    aur sun kar ise ḳhanjar baḌā hairān huā

    shāḳh-e-dil par na khilā ab ke baras ek bhī phuul

    kaisā ābād thā ye baaġh jo vīrān huā

    dost kyā ab to munāfiq bhī koī saath nahīñ

    sūkhe phūloñ se bhī mahrūm ye gul-dān huā

    aaj is darja mohazzab jo nazar aatā hai

    ye vo insān hai sadiyoñ meñ jo insān huā

    dil se jaatā nahīñ 'tāriq' kisī kāfir ḳhayāl

    ham musalmān hue dil na musalmān huā

    zehn par bojh raha, dil bhi pareshan hua

    in baDe logon se mil kar baDa nuqsan hua

    mat ab ke bhi charaghon ko hui hai lekin

    chaak is bar hawa ka bhi gareban hua

    oDhe phirta hun shahadat ki lahu-rang qaba

    rang tera tha so wo hi meri pahchan hua

    aadatan aankh chhalak uTThi hai hanste hanste

    tu mere dost bila-wajh pareshan hua

    tez pani ki si aawaz gale se nikli

    aur sun kar ise KHanjar baDa hairan hua

    shaKH-e-dil par na khila ab ke baras ek bhi phul

    kaisa aabaad tha ye bagh jo viran hua

    dost kya ab to munafiq bhi koi sath nahin

    sukhe phulon se bhi mahrum ye gul-dan hua

    aaj is darja mohazzab jo nazar aata hai

    ye wo insan hai sadiyon mein jo insan hua

    dil se jata nahin 'tariq' kisi kafir ka KHayal

    hum musalman hue dil na musalman hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY