zehn pareshan ho jata hai aur bhi kuchh tanhai mein
zehn pareshāñ ho jaatā hai aur bhī kuchh tanhā.ī meñ
taaza ho jaatī haiñ choTeñ sab jaise purvā.ī meñ
us ko to jaanā thā lekin merā kyuuñ ye haal huā
añgnā.ī se kamre meñ aur kamre se añgnā.ī meñ
us ke dil kā bhed usī kī ā.ankhoñ se mil saktā thā
kis meñ himmat hai jo utre jhīloñ kī gahrā.ī meñ
ek hī ghar ke rahne vaale ek hī āñgan ek hī duvār
jaane kyuuñ baḌhtī jaatī hai nafrat bhaa.ī bhaa.ī meñ
nuur basīrat kā baḳhshā kal tak maiñ ne jin ko 'zubair'
farq nazar aatā hai un ko ab merī bīnā.ī meñ
zehn pareshan ho jata hai aur bhi kuchh tanhai mein
taza ho jati hain choTen sab jaise purwai mein
us ko to jaana tha lekin mera kyun ye haal hua
angnai se kamre mein aur kamre se angnai mein
us ke dil ka bhed usi ki aaankhon se mil sakta tha
kis mein himmat hai jo utre jhilon ki gahrai mein
ek hi ghar ke rahne wale ek hi aangan ek hi duwar
jaane kyun baDhti jati hai nafrat bhai bhai mein
nur basirat ka baKHsha kal tak main ne jin ko 'zubair'
farq nazar aata hai un ko ab meri binai mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
