zist kya hai himaqaton ke siwa

ziist kyā hai himāqatoñ ke sivā

chand zālim sadāqatoñ ke sivā

ham ne dānishvaroñ se kyā sīkhā

uljhī uljhī ibāratoñ ke sivā

fan ko virse meñ kyā diyā ham ne

ḳhūbsūrat alāmatoñ ke sivā

ham ne is zindagī se kyā paayā

chand zehnī rafāqatoñ ke sivā

in baḌī tāqatoñ ke paas hai kyā

chhoTī chhoTī raqābatoñ ke sivā

āstīnoñ meñ dostoñ kī hai kyā

pas-e-parda adāvatoñ ke sivā

kyā hai tahzīb-e-maġhribī kā nishāñ

ūñchī ūñchī imāratoñ ke sivā

ye siyāsat kī garmi-e-raftār

kyā hai mohmal bujhāratoñ ke sivā

kyā liyā ham ne apne maazī se

nīm-murda rivāyatoñ ke sivā

apnī manzil nahīñ koī shāyad

jaan levā masāfatoñ ke sivā

apnā sarmāya-e-hayāt hai kyā

rañg-dar-rañg sā.atoñ ke sivā

zist kya hai himaqaton ke siwa

chand zalim sadaqaton ke siwa

hum ne danishwaron se kya sikha

uljhi uljhi ibaraton ke siwa

fan ko wirse mein kya diya hum ne

KHubsurat alamaton ke siwa

hum ne is zindagi se kya paya

chand zehni rafaqaton ke siwa

in baDi taqaton ke pas hai kya

chhoTi chhoTi raqabaton ke siwa

aastinon mein doston ki hai kya

pas-e-parda adawaton ke siwa

kya hai tahzib-e-maghribi ka nishan

unchi unchi imaraton ke siwa

ye siyasat ki garmi-e-raftar

kya hai mohmal bujhaaraton ke siwa

kya liya hum ne apne mazi se

nim-murda riwayaton ke siwa

apni manzil nahin koi shayad

jaan lewa masafaton ke siwa

apna sarmaya-e-hayat hai kya

rang-dar-rang saaton ke siwa