zikr-e-bahaar bhi raha zikr-e-KHizan ke sath

zikr-e-bahār bhī rahā zikr-e-ḳhizāñ ke saath

terī bhī dāstāñ hai mirī dāstāñ ke saath

un kā bhī kuchh ḳhayāl rahe ahl-e-kārvāñ

jo aa rahe haiñ gard-e-rah-e-kārvāñ ke saath

us vaqt rañg lā.egā afsāna-e-vafā

dil kā lahū jab aa.egā ashk-e-ravāñ ke saath

har chiiz ajnabī sī hai har shaḳhs ġhair hai

duniyā badal ga.ī nigah-e-mehrbāñ ke saath

'shārib' ye jāntā huuñ ki duniyā hai bevafā

chalnā paḌegā phir bhī isī kārvāñ ke saath

zikr-e-bahaar bhi raha zikr-e-KHizan ke sath

teri bhi dastan hai meri dastan ke sath

un ka bhi kuchh KHayal rahe ahl-e-karwan

jo aa rahe hain gard-e-rah-e-karwan ke sath

us waqt rang laega afsana-e-wafa

dil ka lahu jab aaega ashk-e-rawan ke sath

har chiz ajnabi si hai har shaKHs ghair hai

duniya badal gai nigah-e-mehrban ke sath

'shaarib' ye jaanta hun ki duniya hai bewafa

chalna paDega phir bhi isi karwan ke sath