zikr-e-tahrim-e-haram ya jam-e-sahba kuchh to ho

zikr-e-tahrīm-e-haram yā jām-e-sahbā kuchh to ho

ruuh kī sho.ala-mizājī kā mudāvā kuchh to ho

dāġh-e-dil zaḳhm-e-nazar soz-e-jigar fikr-e-hayāt

ham tahī-dāman sahī nazr-e-tamannā kuchh to ho

rahguzar vīrān hai har hādisa ḳhāmosh hai

ai dil-e-īzā-talab bahr-e-tamāsha kuchh to ho

zindagī phir apne mustaqbil se ġhāfil kyoñ huī

sāġhar-e-imroz meñ sahbā-e-fardā kuchh to ho

ham kisī ehsās se ḳhāmosh haiñ un ke huzūr

vo ba-zid haiñ ham se tashrīh-e-tamannā kuchh to ho

be-talab kaise mile kyūñ-kar mile husn-e-talab

zindagī ke hoñT par āḳhir taqāzā kuchh to ho

kis qadar māyūs hai merā junūn-e-be-karāñ

'baḳht' āḳhir vus.at-e-dāmān-e-sahrā kuchh to ho

zikr-e-tahrim-e-haram ya jam-e-sahba kuchh to ho

ruh ki shoala-mizaji ka mudawa kuchh to ho

dagh-e-dil zaKHm-e-nazar soz-e-jigar fikr-e-hayat

hum tahi-daman sahi nazr-e-tamanna kuchh to ho

rahguzar viran hai har hadisa KHamosh hai

ai dil-e-iza-talab bahr-e-tamasha kuchh to ho

zindagi phir apne mustaqbil se ghafil kyon hui

saghar-e-imroz mein sahba-e-farda kuchh to ho

hum kisi ehsas se KHamosh hain un ke huzur

wo ba-zid hain hum se tashrih-e-tamanna kuchh to ho

be-talab kaise mile kyun-kar mile husn-e-talab

zindagi ke honT par aaKHir taqaza kuchh to ho

kis qadar mayus hai mera junun-e-be-karan

'baKHt' aaKHir wusat-e-daman-e-sahra kuchh to ho