zinda rahne ka bharam aa ke kahan par TuTa
zinda rahne kā bharam aa ke kahāñ par TuuTā
ik sitāra sā mirī shah-rag-e-jāñ par TuuTā
ġhair-mumkin hai mirī ḳhaak uḌātā koī
maiñ ki ḳhud apnī tabāhī ke nishāñ par TuuTā
sūd-dar-sūd muravvat mirī kaam aa.ī hai
jab maiñ iḳhlās kī mīzān-e-ziyāñ par TuuTā
zahr sā phail chukā hai mirī shiryānoñ meñ
kaun sā harf mirī nok-e-zabāñ par TuuTā
siskiyāñ bhar ke 'sharar' kaun vahāñ rotā thā
ḳhema-e-ḳhvāb sar-e-shām jahāñ par TuuTā
zinda rahne ka bharam aa ke kahan par TuTa
ek sitara sa meri shah-rag-e-jaan par TuTa
ghair-mumkin hai meri KHak uData koi
main ki KHud apni tabahi ke nishan par TuTa
sud-dar-sud murawwat meri kaam aai hai
jab main iKHlas ki mizan-e-ziyan par TuTa
zahr sa phail chuka hai meri shiryanon mein
kaun sa harf meri nok-e-zaban par TuTa
siskiyan bhar ke 'sharar' kaun wahan rota tha
KHema-e-KHwab sar-e-sham jahan par TuTa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
