zindagani ki haqiqat tab hi khulti hai miyan

zindagānī kī haqīqat tab hī khultī hai miyāñ

kār-zār-e-zīst kī jab nabz ruktī hai miyāñ

roz ham ta.amīr karte haiñ fasīl-e-jism-o-jāñ

roz jism-o-jāñ se koī iiñT girtī hai miyāñ

ḳhvāb se kah do hudūd-e-chashm se bāhar na ho

aañkh se ojhal har ik ta.abīr chubhtī hai miyāñ

kal yahī chehre bahār-e-husn kī pahchān the

aaj un chehroñ se gard-e-umr uḌtī hai miyāñ

ḳhvāb hasrat ashk uljhan nāla-o-faryād-o-ġham

kisht-e-jāñ meñ roz fasl-e-dard ugtī hai miyāñ

jhuuT hai jab ḳhvāhish-e-nām-o-numūd-o-taḳht-o-tāj

jhuuT kī ḳhvāhish meñ kyuuñ kar umr kaTtī hai miyāñ

vasl kā darkār haiñ kuchh hijr ke lamhāt bhī

vasl kī ḳhvāhish meñ shiddat yuuñ hī baḌhtī hai miyāñ

dekh kar 'zākir' ġharīb-e-shahr kī fāqa-kashī

maut apne aap sau sau baar martī hai miyāñ

zindagani ki haqiqat tab hi khulti hai miyan

kar-zar-e-zist ki jab nabz rukti hai miyan

roz hum tamir karte hain fasil-e-jism-o-jaan

roz jism-o-jaan se koi inT girti hai miyan

KHwab se kah do hudud-e-chashm se bahar na ho

aankh se ojhal har ek tabir chubhti hai miyan

kal yahi chehre bahaar-e-husn ki pahchan the

aaj un chehron se gard-e-umr uDti hai miyan

KHwab hasrat ashk uljhan nala-o-faryaad-o-gham

kisht-e-jaan mein roz fasl-e-dard ugti hai miyan

jhuT hai jab KHwahish-e-nam-o-numud-o-taKHt-o-taj

jhuT ki KHwahish mein kyun kar umr kaTti hai miyan

wasl ka darkar hain kuchh hijr ke lamhat bhi

wasl ki KHwahish mein shiddat yun hi baDhti hai miyan

dekh kar 'zakir' gharib-e-shahr ki faqa-kashi

maut apne aap sau sau bar marti hai miyan