zindagani ranj aur gham ke siwa kuchh bhi nahin
zindagani ranj aur gham ke siwa kuchh bhi nahin
Chandrabhan Khayal
MORE BYChandrabhan Khayal
Interesting Fact
October 2008
zindagānī rañj aur ġham ke sivā kuchh bhī nahīñ
uf ki har-dam sog-o-mātam ke sivā kuchh bhī nahīñ
roz-o-shab apne guzar jaanā dayār-e-ġhair meñ
dāstān-e-azm-e-mohkam ke sivā kuchh bhī nahīñ
kaun dahshat-gard hai aur kaun hai dahshat-zada
ye sab ik ib.hām-e-paiham ke sivā kuchh bhī nahīñ
gūñjtī hai ḳhāmushī har-dam jo mere chār-sū
dar-haqīqat shor-e-ālam ke sivā kuchh bhī nahīñ
tum jise samjhe ho duniyā us ke āñchal ke tale
gesuoñ ke pech aur ḳham ke sivā kuchh bhī nahīñ
dekhtā rahtā hai bandoñ par musalsal saḳhtiyāñ
kyā ḳhudā ik ism-e-āzam ke sivā kuchh bhī nahīñ
devtā sī fikr aur tarz-e-amal ke bāvajūd
aadmī bas ibn-e-ādam ke sivā kuchh bhī nahīñ
zindagani ranj aur gham ke siwa kuchh bhi nahin
uf ki har-dam sog-o-matam ke siwa kuchh bhi nahin
roz-o-shab apne guzar jaana dayar-e-ghair mein
dastan-e-azm-e-mohkam ke siwa kuchh bhi nahin
kaun dahshat-gard hai aur kaun hai dahshat-zada
ye sab ek ibham-e-paiham ke siwa kuchh bhi nahin
gunjti hai KHamushi har-dam jo mere chaar-su
dar-haqiqat shor-e-alam ke siwa kuchh bhi nahin
tum jise samjhe ho duniya us ke aanchal ke tale
gesuon ke pech aur KHam ke siwa kuchh bhi nahin
dekhta rahta hai bandon par musalsal saKHtiyan
kya KHuda ek ism-e-azam ke siwa kuchh bhi nahin
dewta si fikr aur tarz-e-amal ke bawajud
aadmi bas ibn-e-adam ke siwa kuchh bhi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
