zindagani wo moatabar hogi
zindagānī vo mo'atabar hogī
jo mohabbat ke naam par hogī
hogī phūloñ kī manzilat ma.alūm
umr kāñToñ meñ jab basar hogī
dil rahegā to ḳhūn-e-dil hogā
ashk hoñge to chashm tar hogī
jo tujhe dekh ke palaT aa.e
vo nazar bhī koī nazar hogī
raat to din kī ik alāmat hai
raat hogī to ik sahar hogī
rāt-bhar ham jaleñge furqat meñ
raushnī aaj rāt-bhar hogī
bekalī kā gumāñ 'atash' thā magar
ye na samjhā thā is qadar hogī
zindagani wo mo'atabar hogi
jo mohabbat ke nam par hogi
hogi phulon ki manzilat malum
umr kanTon mein jab basar hogi
dil rahega to KHun-e-dil hoga
ashk honge to chashm tar hogi
jo tujhe dekh ke palaT aae
wo nazar bhi koi nazar hogi
raat to din ki ek alamat hai
raat hogi to ek sahar hogi
raat-bhar hum jalenge furqat mein
raushni aaj raat-bhar hogi
bekali ka guman 'atash' tha magar
ye na samjha tha is qadar hogi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
