zindagi aaina hai aaina-arai hai

zindagī ā.īna hai ā.īna-ārā.ī hai

ajnabī bhī hai vahī jis se shanāsā.ī hai

sañg-dil sāmne aatā hai to ye sochtā huuñ

aarzū husn kī dīvār se Takrā.ī hai

aaj kī raat bhī kartā hai koī kufr kī baat

chāñd ke phuul meñ shabnam kī sharāb aa.ī hai

kis ko is daur meñ hai fursat-e-ishq-e-ḳhūbāñ

aag tere lab o ruḳhsār ne barsā.ī hai

tū nahīñ hai to har ik jur.a-e-mahtāb-sifat

yaad kī aañkh se Tapkī huī tanhā.ī hai

dil vo sahrā hai jahāñ hasrat-e-sāya bhī nahīñ

dil vo duniyā hai jahāñ rañg hai ra.anā.ī hai

zindagi aaina hai aaina-arai hai

ajnabi bhi hai wahi jis se shanasai hai

sang-dil samne aata hai to ye sochta hun

aarzu husn ki diwar se Takrai hai

aaj ki raat bhi karta hai koi kufr ki baat

chand ke phul mein shabnam ki sharab aai hai

kis ko is daur mein hai fursat-e-ishq-e-KHuban

aag tere lab o ruKHsar ne barsai hai

tu nahin hai to har ek jura-e-mahtab-sifat

yaad ki aankh se Tapki hui tanhai hai

dil wo sahra hai jahan hasrat-e-saya bhi nahin

dil wo duniya hai jahan rang hai ranai hai