zindagi apni qarine se basar hoti nahin
zindagī apnī qarīne se basar hotī nahīñ
muḳhtasar kartā huuñ lekin muḳhtasar hotī nahīñ
de gayā tārīkiyāñ itnī vo ahl-e-shahr ko
sar pe sūraj aa gayā phir bhī sahar hotī nahīñ
pahle apne saath chalte the sitāre shauq se
ab to apnī raushnī bhī ham-safar hotī nahīñ
is tarah chup-chāp mere paas aa jaate haiñ log
ghar ke darvāze kī chaukhaT ko ḳhabar hotī nahīñ
zindagi apni qarine se basar hoti nahin
muKHtasar karta hun lekin muKHtasar hoti nahin
de gaya tarikiyan itni wo ahl-e-shahr ko
sar pe suraj aa gaya phir bhi sahar hoti nahin
pahle apne sath chalte the sitare shauq se
ab to apni raushni bhi ham-safar hoti nahin
is tarah chup-chap mere pas aa jate hain log
ghar ke darwaze ki chaukhaT ko KHabar hoti nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
