zindagi aur ho ruswa nahin dekha jata

zindagī aur ho rusvā nahīñ dekhā jaatā

mujh se ab apnā tamāshā nahīñ dekhā jaatā

pahle āñkhoñ meñ sajātā huuñ tirī rā'nā.ī

mujh se manzar koī tanhā nahīñ dekhā jaatā

aa.ina qad ke barābar ho kabhī ḳhvāhish thī

ab ye 'ālam hai ki chehra nahīñ dekhā jaatā

merī āñkhoñ meñ hai kis pyaas kā manzar-nāma

mujh se bahtā huā dariyā nahīñ dekhā jaatā

husn-e-tā’bīr se 'unvān nahīñ miltā 'hayāt'

ḳhvāb koī bhī adhūrā nahīñ dekhā jaatā

zindagi aur ho ruswa nahin dekha jata

mujh se ab apna tamasha nahin dekha jata

pahle aankhon mein sajata hun teri ra'nai

mujh se manzar koi tanha nahin dekha jata

aaina qad ke barabar ho kabhi KHwahish thi

ab ye 'alam hai ki chehra nahin dekha jata

meri aankhon mein hai kis pyas ka manzar-nama

mujh se bahta hua dariya nahin dekha jata

husn-e-ta’bir se 'unwan nahin milta 'hayat'

KHwab koi bhi adhura nahin dekha jata