zindagi be-saeban be-ghar kahin aisi na thi

zindagī be-sā.ebāñ be-ghar kahīñ aisī na thī

āsmāñ aisā nahīñ thā aur zamīñ aisī na thī

ham bichhaḌne se hue gumrāh varna is se qabl

merā dāman tar na thā terī jabīñ aisī na thī

ab jo badlā hai to apnī ruuh tak hairān huuñ

terī jānib se maiñ shāyad be-yaqīñ aisī na thī

bad-gumānī jab na thī tū bhī nahīñ thā mo'tariz

maiñ bhī terī shaḳhsiyat par nukta-chīñ aisī na thī

kyā mire dil aur kyā āñkhoñ kā hissa hai magar

chādar-e-shab is se pahle shabnamīñ aisī na thī

kyā havā aa.ī ki itne phuul dil meñ khil ga.e

pichhle mausam meñ ye shāḳh-e-yāsmīñ aisī na thī

zindagi be-saeban be-ghar kahin aisi na thi

aasman aisa nahin tha aur zamin aisi na thi

hum bichhaDne se hue gumrah warna is se qabl

mera daman tar na tha teri jabin aisi na thi

ab jo badla hai to apni ruh tak hairan hun

teri jaanib se main shayad be-yaqin aisi na thi

bad-gumani jab na thi tu bhi nahin tha mo'tariz

main bhi teri shaKHsiyat par nukta-chin aisi na thi

kya mere dil aur kya aankhon ka hissa hai magar

chadar-e-shab is se pahle shabnamin aisi na thi

kya hawa aai ki itne phul dil mein khil gae

pichhle mausam mein ye shaKH-e-yasmin aisi na thi