zindagi dasht-e-be-hudud mein hai

zindagī dasht-e-be-hudūd meñ hai

ik adam sā mire vajūd meñ hai

shā.irī āshiqī o mai-noshī

har ḳharābī mirī numūd meñ hai

ek dil meñ haiñ tah-ba-tah sau ġham

ek jaañ kitnī hī quyūd meñ hai

shahr-o-sahrā meñ ho rahī hai tamīz

ab junūñ hosh kī hudūd meñ hai

vo nahīñ hai jo aa rahā hai nazar

ik vajūd aur har vajūd meñ hai

zindagi dasht-e-be-hudud mein hai

ek adam sa mere wajud mein hai

shairi aashiqi o mai-noshi

har KHarabi meri numud mein hai

ek dil mein hain tah-ba-tah sau gham

ek jaan kitni hi quyud mein hai

shahr-o-sahra mein ho rahi hai tamiz

ab junun hosh ki hudud mein hai

wo nahin hai jo aa raha hai nazar

ek wajud aur har wajud mein hai