zindagi go kushta-e-alam hai

zindagī go kushta-e-ālām hai

phir bhī rāhat kī umīd-e-ḳhām hai

haañ abhī terī mohabbat ḳhaam hai

tere dil meñ kāvish-e-anjām hai

ishq hai maiñ huuñ dil-e-nākām hai

is ke aage bas ḳhudā kā naam hai

aa kahāñ hai tū fareb-e-ārzū

aaj nākāmī se lenā kaam hai

maiñ vahī huuñ dil vahī armāñ vahī

ek dhokā gardish-e-ayyām hai

apne jī meñ ye ki duniyā chhoḌ deñ

aur duniyā ko hamīñ se kaam hai

jal chuke chashm-e-a.izzā meñ charāġh

so bhī jā 'mullā' ki vaqt-e-shām hai

zindagi go kushta-e-alam hai

phir bhi rahat ki umid-e-KHam hai

han abhi teri mohabbat KHam hai

tere dil mein kawish-e-anjam hai

ishq hai main hun dil-e-nakaam hai

is ke aage bas KHuda ka nam hai

aa kahan hai tu fareb-e-arzu

aaj nakaami se lena kaam hai

main wahi hun dil wahi arman wahi

ek dhoka gardish-e-ayyam hai

apne ji mein ye ki duniya chhoD den

aur duniya ko hamin se kaam hai

jal chuke chashm-e-aizza mein charagh

so bhi ja 'mulla' ki waqt-e-sham hai