zindagi ek saza lage hai mujhe
zindagī ik sazā lage hai mujhe
jab se tū bevafā lage hai mujhe
tujh meñ ḳhud ko talāsh kartā huuñ
tū mirā ā.īna lage hai mujhe
nāseh-e-kam-nigāh kā kirdār
ishq meñ ab burā lage hai mujhe
apnī āvāz se bhī Dartā huuñ
sāz-e-dil bhī sazā lage hai mujhe
intihā hai ye bad-nasībī kī
har duā bad-duā lage hai mujhe
āshiqī jurm to nahīñ 'ejāz'
kis liye phir ḳhatā lage hai mujhe
zindagi ek saza lage hai mujhe
jab se tu bewafa lage hai mujhe
tujh mein KHud ko talash karta hun
tu mera aaina lage hai mujhe
naseh-e-kam-nigah ka kirdar
ishq mein ab bura lage hai mujhe
apni aawaz se bhi Darta hun
saz-e-dil bhi saza lage hai mujhe
intiha hai ye bad-nasibi ki
har dua bad-dua lage hai mujhe
aashiqi jurm to nahin 'ejaz'
kis liye phir KHata lage hai mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
