zindagi ka lutf bhi aa jaega
zindagī kā lutf bhī aa jā.egā
zindagānī hai to dekhā jā.egā
jis tarah lakḌī ko khā jaatā hai ghun
rafta rafta ġham mujhe khā jā.egā
hashr ke din merī chup kā mājrā
kuchh na kuchh tum se bhī pūchhā jā.egā
muskurā kar muñh chiḌā kar ghuur kar
jā rahe ho ḳhair dekhā jā.egā
kar diyā hai tum ne dil ko mutma.in
dekh lenā saḳht ghabrā jā.egā
hazrat-e-dil kaam se jā.ūñgā maiñ
dil-lagī meñ aap kā kyā jā.egā
dostoñ kī bevafā.ī par 'hafīz'
sabr karnā bhī mujhe aa jā.egā
zindagi ka lutf bhi aa jaega
zindagani hai to dekha jaega
jis tarah lakDi ko kha jata hai ghun
rafta rafta gham mujhe kha jaega
hashr ke din meri chup ka majra
kuchh na kuchh tum se bhi puchha jaega
muskura kar munh chiDa kar ghur kar
ja rahe ho KHair dekha jaega
kar diya hai tum ne dil ko mutmain
dekh lena saKHt ghabra jaega
hazrat-e-dil kaam se jaunga main
dil-lagi mein aap ka kya jaega
doston ki bewafai par 'hafiz'
sabr karna bhi mujhe aa jaega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
