zindagi KHak-basar shola-ba-jaan aaj bhi hai
zindagī ḳhāk-basar shola-ba-jāñ aaj bhī hai
tujh ko kho kar tujhe paane kā gumāñ aaj bhī hai
ek be-nām sī uljhan hai dil-o-jāñ pe muhīt
ek ġham naam sā ehsās-e-ziyāñ aaj bhī hai
ḳhaak se tā-ba-falak terī nigāhoñ kā tilism
Thahrā Thahrā sā jahān-e-guzarāñ aaj bhī hai
tark-e-ulfat meñ bhī ulfat ke nishāñ baaqī haiñ
qāfila luT ke tirī samt ravāñ aaj bhī hai
kitne saaqī haiñ ki haiñ jām-ba-kaf kal kī tarah
shuġhl-e-mai hai ki 'sahar' bār-e-garāñ aaj bhī hai
zindagi KHak-basar shola-ba-jaan aaj bhi hai
tujh ko kho kar tujhe pane ka guman aaj bhi hai
ek be-nam si uljhan hai dil-o-jaan pe muhit
ek gham nam sa ehsas-e-ziyan aaj bhi hai
KHak se ta-ba-falak teri nigahon ka tilism
Thahra Thahra sa jahan-e-guzaran aaj bhi hai
tark-e-ulfat mein bhi ulfat ke nishan baqi hain
qafila luT ke teri samt rawan aaj bhi hai
kitne saqi hain ki hain jam-ba-kaf kal ki tarah
shughl-e-mai hai ki 'sahar' bar-e-garan aaj bhi hai
- Book : Barg-e-Sahar (Pg. 100)
- Author : Abu Mohammad Sahar
- Publication : Maktaba-e-Adab (2002)
- Edition : 2002
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
