zindagi KHauf se tashkil nahin karni mujhe
zindagī ḳhauf se tashkīl nahīñ karnī mujhe
raat se zaat kī takmīl nahīñ karnī mujhe
kisī darvesh ke hujre se abhī aayā huuñ
so tire hukm kī tāmīl nahīñ karnī mujhe
chhoḌ dī dasht-navardī bhī ziyāñ-kārī bhī
zindagī ab tirī tazlīl nahīñ karnī mujhe
dil ke bāzār meñ zanjīr-zanī honī nahīñ
aañkh bhī aañkh rahe jhiil nahīñ karnī mujhe
maiñ ki ilhād ke girdāb meñ aayā huā huuñ
ab kisī ilm kī tahsīl nahīñ karnī mujhe
laḌte rahnā hai tasalsul se mujhe sub.h talak
aur talvār bhī tabdīl nahīñ karnī mujhe
zindagi KHauf se tashkil nahin karni mujhe
raat se zat ki takmil nahin karni mujhe
kisi darwesh ke hujre se abhi aaya hun
so tere hukm ki tamil nahin karni mujhe
chhoD di dasht-nawardi bhi ziyan-kari bhi
zindagi ab teri tazlil nahin karni mujhe
dil ke bazar mein zanjir-zani honi nahin
aankh bhi aankh rahe jhil nahin karni mujhe
main ki ilhad ke girdab mein aaya hua hun
ab kisi ilm ki tahsil nahin karni mujhe
laDte rahna hai tasalsul se mujhe subh talak
aur talwar bhi tabdil nahin karni mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
