zindagi ki rawish badal anjum

zindagī kī ravish badal 'anjum'

vaqt ke saath saath chal 'anjum'

dekh jo jo haiñ āstīnoñ meñ

saare sāñpoñ kā sar kuchal 'anjum'

Thokareñ aur kitnī khā.egā

girne se peshtar sañbhal 'anjum'

zindagī ek ret kī dīvār

bach ke saa.e se bhī nikal 'anjum'

rone vāloñ ke saath ro lenā

jalne vāloñ ke saath jal 'anjum'

dil ko zindāñ kā ḳhauf hai kyūñkar

āshiyāñ chhoḌ ab nikal 'anjum'

kar le raushan charāġh-e-husn-e-amal

apne kirdār ko badal 'anjum'

ġhair ke bhuul jā tū naqsh-e-qadam

rāsta ḳhud banā tū chal 'anjum'

zindagi ki rawish badal 'anjum'

waqt ke sath sath chal 'anjum'

dekh jo jo hain aastinon mein

sare sanpon ka sar kuchal 'anjum'

Thokaren aur kitni khaega

girne se peshtar sanbhal 'anjum'

zindagi ek ret ki diwar

bach ke sae se bhi nikal 'anjum'

rone walon ke sath ro lena

jalne walon ke sath jal 'anjum'

dil ko zindan ka KHauf hai kyunkar

aashiyan chhoD ab nikal 'anjum'

kar le raushan charagh-e-husn-e-amal

apne kirdar ko badal 'anjum'

ghair ke bhul ja tu naqsh-e-qadam

rasta KHud bana tu chal 'anjum'