zindagi ko maut ki zad par jo la sakta nahin

zindagī ko maut kī zad par jo lā saktā nahīñ

maut ke āġhosh meñ vo muskurā saktā nahīñ

us kī tohmat apne sar bār-e-amānat le liyā

bojh vo insāñ jo apnā bhī uThā saktā nahīñ

rabt hai har shai se phir bhī is jahāñ meñ dosto

aadmī ḳhud aadmī ke kaam aa saktā nahīñ

ye jahāñ hai āzmā.ish-gāh-e-arbāb-e-vafā

laakh chāhe bhī to insāñ muskurā saktā nahīñ

kyā isī kā naam hai saaqī tirī dariyā-dilī

mai to mai paanī bhī tū ham ko pilā saktā nahīñ

azm kā sūraj liye maiñ jagmagātā huuñ 'nashāt'

in añdheroñ ko kabhī ḳhātir meñ lā saktā nahīñ

zindagi ko maut ki zad par jo la sakta nahin

maut ke aaghosh mein wo muskura sakta nahin

us ki tohmat apne sar bar-e-amanat le liya

bojh wo insan jo apna bhi uTha sakta nahin

rabt hai har shai se phir bhi is jahan mein dosto

aadmi KHud aadmi ke kaam aa sakta nahin

ye jahan hai aazmaish-gah-e-arbab-e-wafa

lakh chahe bhi to insan muskura sakta nahin

kya isi ka nam hai saqi teri dariya-dili

mai to mai pani bhi tu hum ko pila sakta nahin

azm ka suraj liye main jagmagata hun 'nashat'

in andheron ko kabhi KHatir mein la sakta nahin