zindagi kuchh din aise do hum ko

zindagī kuchh din aise do ham ko

ham use chāheñ aur vo ham ko

nazar aatā nahīñ hameñ kuchh bhī

nazar aate rahā karo ham ko

ek hī haath se banāyā gayā

aap ko din ko raat ko ham ko

ham to vaise bhī tum pe marte haiñ

aur aise bhī to jiyo ham ko

apne sheroñ se muḳhtalif haiñ ham

jahāñ likkho vahāñ paḌho ham ko

zindagi kuchh din aise do hum ko

hum use chahen aur wo hum ko

nazar aata nahin hamein kuchh bhi

nazar aate raha karo hum ko

ek hi hath se banaya gaya

aap ko din ko raat ko hum ko

hum to waise bhi tum pe marte hain

aur aise bhi to jiyo hum ko

apne sheron se muKHtalif hain hum

jahan likkho wahan paDho hum ko