zindagi mein tujhko pana aaj tak bhula nahin

zindagī meñ tujh ko paanā aaj tak bhūlā nahīñ

phir tirā chupke se jaanā aaj tak bhūlā nahīñ

paḌ ke pairoñ par parastish kī ijāzat chāhnā

aur mirā vo baukhlānā aaj tak bhūlā nahīñ

har bashar hai ḳhud-ġharaz mehr-o-vafā kuchh bhī nahīñ

ham ko tanhā chhoḌ jaanā aaj tak bhūlā nahīñ

tum hamāre the hī kab is kā huā ehsās jab

dil kā sakte meñ vo aanā aaj tak bhūlā nahīñ

'āsifa' tū kitnī bholī hai sitam sahtī rahī

phir bhī terā muskurānā aaj tak bhūlā nahīñ

zindagi mein tujh ko pana aaj tak bhula nahin

phir tera chupke se jaana aaj tak bhula nahin

paD ke pairon par parastish ki ijazat chahna

aur mera wo baukhlana aaj tak bhula nahin

har bashar hai KHud-gharaz mehr-o-wafa kuchh bhi nahin

hum ko tanha chhoD jaana aaj tak bhula nahin

tum hamare the hi kab is ka hua ehsas jab

dil ka sakte mein wo aana aaj tak bhula nahin

'asifa' tu kitni bholi hai sitam sahti rahi

phir bhi tera muskurana aaj tak bhula nahin