zindagi mujhko meri nazron mein sharminda na kar

zindagī mujh ko mirī nazroñ meñ sharminda na kar

mar chukā hai jo bahut pahle use zinda na kar

haal kā ye dukh tire maazī kī tujh ko den hai

aaj tak jo kuchh kiyā tū ne vo ā.inda na kar

to bhī is tūfān meñ ik ret kī dīvār hai

apnī hastī bhuul kar har ek kī ninda na kar

sau-gunā hote hue bhī jis ne baazī haar dī

aisī buzdil bhiiḌ kā mujh ko numā.inda na kar

jism kyā shai hai ki merī ruuh tak jal jā.egī

aag meñ apnī jalā kar mujh ko tābinda na kar

zindagi mujh ko meri nazron mein sharminda na kar

mar chuka hai jo bahut pahle use zinda na kar

haal ka ye dukh tere mazi ki tujh ko den hai

aaj tak jo kuchh kiya tu ne wo aainda na kar

to bhi is tufan mein ek ret ki diwar hai

apni hasti bhul kar har ek ki ninda na kar

sau-guna hote hue bhi jis ne bazi haar di

aisi buzdil bhiD ka mujh ko numainda na kar

jism kya shai hai ki meri ruh tak jal jaegi

aag mein apni jala kar mujh ko tabinda na kar