zindagi mushkil bhi hai aasan bhi

zindagī mushkil bhī hai āsān bhī

fā.eda bhī is meñ hai nuqsān bhī

yaar kī yaarī se ham ko hai ġharaz

yaar to daanā bhī haiñ nādān bhī

aadmī aadam kā beTā hai magar

aadmī jo hai vo hai insān bhī

ab jo dekhā hai use to dekh kar

dukh to ye hai ḳhush bhī huuñ hairān bhī

ye parindoñ ko achānak kyā huā

peḌ bhī maujūd hai dālān bhī

dil karachi se nikaltā hī nahīñ

shahr hai lahore bhī multān bhī

zindagi mushkil bhi hai aasan bhi

faeda bhi is mein hai nuqsan bhi

yar ki yari se hum ko hai gharaz

yar to dana bhi hain nadan bhi

aadmi aadam ka beTa hai magar

aadmi jo hai wo hai insan bhi

ab jo dekha hai use to dekh kar

dukh to ye hai KHush bhi hun hairan bhi

ye parindon ko achanak kya hua

peD bhi maujud hai dalan bhi

dil karachi se nikalta hi nahin

shahr hai lahore bhi multan bhi