zindagi naghma-e-gham-nawa ho gai

zindagī naġhma-e-ġham-navā ho ga.ī

ik ḳhalish hai ki jo lā-davā ho ga.ī

har adā husn kī dilrubā ho ga.ī

ik na.e daur kī ibtidā ho ga.ī

jab se un kā alam juzv-e-dil ban gayā

zindagī fikr se māvarā ho ga.ī

'ishq kī tamkanat āfrīñ faiz se

āh-e-ḳhāmosh ātish-navā ho ga.ī

be-sabab 'ishq kī rah-guzar chhoḌ kar

zindagī bekas-o-be-navā ho ga.ī

ye samajh lo use do-jahāñ mil ga.e

jis ko hāsil tumhārī razā ho ga.ī

aaj 'bāsit' jo ġhāfil haiñ un ke liye

merī āvāz bāñg-e-darā ho ga.ī

zindagi naghma-e-gham-nawa ho gai

ek KHalish hai ki jo la-dawa ho gai

har ada husn ki dilruba ho gai

ek nae daur ki ibtida ho gai

jab se un ka alam juzw-e-dil ban gaya

zindagi fikr se mawara ho gai

'ishq ki tamkanat aafrin faiz se

aah-e-KHamosh aatish-nawa ho gai

be-sabab 'ishq ki rah-guzar chhoD kar

zindagi bekas-o-be-nawa ho gai

ye samajh lo use do-jahan mil gae

jis ko hasil tumhaari raza ho gai

aaj 'basit' jo ghafil hain un ke liye

meri aawaz bang-e-dara ho gai