zindagi tu mere yaqin ko dekh

zindagī tū mire yaqīn ko dekh

mere īmāñ ko mere diin ko dekh

mujh se mat pūchh aarzū kā malāl

apnī tū nig.h-e-avvalīn ko dekh

jis kā partau hai mere chehre par

merī āñkhoñ meñ us yaqīn ko dekh

mujh se kyoñ pūchhtā hai us kā pata

dil ke andar chhupe makīn ko dekh

zindagi tu mere yaqin ko dekh

mere iman ko mere din ko dekh

mujh se mat puchh aarzu ka malal

apni tu nigh-e-awwalin ko dekh

jis ka partau hai mere chehre par

meri aankhon mein us yaqin ko dekh

mujh se kyon puchhta hai us ka pata

dil ke andar chhupe makin ko dekh