ziyan hi hai ziyan humse na puchho

ziyāñ hī hai ziyāñ ham se na pūchho

ye ġhairoñ kī zabāñ ham se na pūchho

sunā sakte nahīñ hāl-e-alam meñ

hamārī dāstāñ ham se na pūchho

ham apnī zaat tak mahdūd haiñ dost

ḳhayāl-e-āshiqāñ ham se na pūchho

rahe haiñ zindagī bhar sādgī se

ḳhurāfāt-e-jahāñ ham se na pūchho

karo mahsūs ḳhud hī baat sachchī

yaqīñ hai ab kahāñ ham se na pūchho

hai kitnā talḳh kaḌvā nafrat-āmez

ab andāz-e-bayāñ ham se na pūchho

sajāyā hai guloñ se baaġh saarā

kamāl-e-bāġhbāñ ham se na pūchho

jidhar dekho inād-o-buġhz kī dhaar

hai mullā kī azaañ ham se na pūchho

karo idrāk har ik guftugū kā

haiñ kyā gustāḳhiyāñ ham se na pūchho

burā māneñge kah dī gar haqīqat

sulūk-e-dostāñ ham se na pūchho

raqīboñ kī raqābat kyā batā.eñ

vo deñge gāliyāñ ham se na pūchho

rahe haiñ ham bhaTakte ḳhud hī 'sahgal'

so manzil kā nishāñ ham se na pūchho

ziyan hi hai ziyan hum se na puchho

ye ghairon ki zaban hum se na puchho

suna sakte nahin haal-e-alam mein

hamari dastan hum se na puchho

hum apni zat tak mahdud hain dost

KHayal-e-ashiqan hum se na puchho

rahe hain zindagi bhar sadgi se

KHurafat-e-jahan hum se na puchho

karo mahsus KHud hi baat sachchi

yaqin hai ab kahan hum se na puchho

hai kitna talKH kaDwa nafrat-amez

ab andaz-e-bayan hum se na puchho

sajaya hai gulon se bagh sara

kamal-e-baghban hum se na puchho

jidhar dekho inad-o-bughz ki dhaar

hai mulla ki azan hum se na puchho

karo idrak har ek guftugu ka

hain kya gustaKHiyan hum se na puchho

bura manenge kah di gar haqiqat

suluk-e-dostan hum se na puchho

raqibon ki raqabat kya bataen

wo denge galiyan hum se na puchho

rahe hain hum bhaTakte KHud hi 'sahgal'

so manzil ka nishan hum se na puchho