zohra suhail shams KHur badr baha tu kaun hai

zohra suhail shams ḳhur badr bahā tū kaun hai

hosh-rubā sitamgar mah-laqā tū kaun hai

bhuut ḳhabīs nāznīñ gul parī balā kahūñ

dil-lagī achchhī ye nahīñ mujh se hañsā tū kaun hai

raag ḳhayāl gaatā hai raqs ḳhushī dikhātā hai

duur se kyuuñ rijhātā hai paas to aa tū kaun hai

band haiñ lab javāb meñ ghir gayā maiñ azaab meñ

aayā jo mere ḳhvāb meñ aisā burā tū kaun hai

ab na payām-e-vasl de hijr kā kaun ġham sahe

duur ho duur ho are paas na aa tū kaun hai

aayā hai kis ke jaish se boltā hai jo taish se

maffil-o-bazm-e-aish se duur ho jā tū kaun hai

bol na 'aḳhtar' ab kabhī haT thī ye ek shaḳhs kī

tarah jo sab se kī burī ye to batā tū kaun hai

zohra suhail shams KHur badr baha tu kaun hai

hosh-ruba sitamgar mah-laqa tu kaun hai

bhut KHabis naznin gul pari bala kahun

dil-lagi achchhi ye nahin mujh se hansa tu kaun hai

rag KHayal gata hai raqs KHushi dikhata hai

dur se kyun rijhata hai pas to aa tu kaun hai

band hain lab jawab mein ghir gaya main azab mein

aaya jo mere KHwab mein aisa bura tu kaun hai

ab na payam-e-wasl de hijr ka kaun gham sahe

dur ho dur ho are pas na aa tu kaun hai

aaya hai kis ke jaish se bolta hai jo taish se

maffil-o-bazm-e-aish se dur ho ja tu kaun hai

bol na 'aKHtar' ab kabhi haT thi ye ek shaKHs ki

tarah jo sab se ki buri ye to bata tu kaun hai