zor yaro aaj humne fath ki jang-e-falak
zor yaro aaj humne fath ki jang-e-falak
Shaikh Zahuruddin Hatim
MORE BYShaikh Zahuruddin Hatim
zor yaaro aaj ham ne fat.h kī jañg-e-falak
yak tamāñche meñ kabūdī kar diyā rañg-e-falak
garmī-e-dūkāñ par apnī shīshagar sarkash na ho
DhūñDhtā phirtā hai tere sar ke ta.iiñ sañg-e-falak
kaj-ravī se us kī gar aaqil hai tū ġhāfil na rah
in dinoñ aur hī nazar aatā hai kuchh Dhañg-e-falak
tū jo tul baiThe to palle chāhiye hoñ mahr-o-māh
aisī mīzāñ ke ta.iiñ lāzim hai passañg-e-falak
shauq hai gar sair-e-bālā kā to 'hātim' ho savār
kahkashāñ se khīñch kar laayā huuñ ab tañg-e-falak
zor yaro aaj hum ne fath ki jang-e-falak
yak tamanche mein kabudi kar diya rang-e-falak
garmi-e-dukan par apni shishagar sarkash na ho
DhunDhta phirta hai tere sar ke tain sang-e-falak
kaj-rawi se us ki gar aaqil hai tu ghafil na rah
in dinon aur hi nazar aata hai kuchh Dhang-e-falak
tu jo tul baiThe to palle chahiye hon mahr-o-mah
aisi mizan ke tain lazim hai passang-e-falak
shauq hai gar sair-e-baala ka to 'hatim' ho sawar
kahkashan se khinch kar laya hun ab tang-e-falak
- Book : Diwan Zadah (Pg. 205)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
