zuhur-e-paikri sahra mein hai sirf ek nishan mera

zuhūr-e-paikrī sahrā meñ hai sirf ik nishāñ merā

ġhubār-e-kārvāñ huuñ duur niklā kārvāñ merā

rasā.ī marg-e-shauq-uftādgī nañg-e-tan-āsānī

balā kī kashmakash hai aur ġhubār-e-nā-tavāñ merā

mujhe ghabrā ke dosh-e-hasti-e-jāved par pheñkā

koī dam bhī na uTThā maut se bār-e-girāñ merā

mire sāz-e-nafas kī ḳhāmushī par ruuh kahtī hai

na aa.ī mujh ko niiñd aur so gayā afsāna-ḳhvāñ merā

ḳharābī ḳhanda-zan hai koshish-e-tāmīr par merī

qafas ko toḌtā jaatā hai shauq-e-āshiyāñ merā

zuhur-e-paikri sahra mein hai sirf ek nishan mera

ghubar-e-karwan hun dur nikla karwan mera

rasai marg-e-shauq-uftadgi nang-e-tan-asani

bala ki kashmakash hai aur ghubar-e-na-tawan mera

mujhe ghabra ke dosh-e-hasti-e-jawed par phenka

koi dam bhi na uTTha maut se bar-e-giran mera

mere saz-e-nafas ki KHamushi par ruh kahti hai

na aai mujh ko nind aur so gaya afsana-KHwan mera

KHarabi KHanda-zan hai koshish-e-tamir par meri

qafas ko toDta jata hai shauq-e-ashiyan mera