zulmat ka safar hai chalo bolte raho

zulmāt kā safar hai chalo bolte raho

kho jāoge ḳhamosh na ho bolte raho

is shahr-e-ḳhāmushī meñ ho zinda subūt do

ye chup kī qabr chhoḌo uTho bolte raho

chup rahnā kufr aur ḳhamoshī harām hai

momin ho dīn-e-ishq ke to bolte raho

itnī tavīl raat hameñ kāTnī hai saath

be-ant dāstān kaho bolte raho

apnā hasīn ḳhvāb sunāte raho mujhe

ye ḳhvāb TūTne hī na do bolte raho

ye saarī kā.enāt ḳhamoshī kā raqs hai

āvāz meñ sabāt hai so bolte raho

jitnā sunoge utnā sunā.eñge tum ko log

duniyā kī ek bhī na suno bolte raho

phir se ye kā.enāt banāoge ai ḳhudā

to kun se ban na pā.egī go bolte raho

sī dī ga.ī hai aañkh zabāñ chaak zehn kund

aur hukm hai ki chup na raho bolte raho

zulmat ka safar hai chalo bolte raho

kho jaoge KHamosh na ho bolte raho

is shahr-e-KHamushi mein ho zinda subut do

ye chup ki qabr chhoDo uTho bolte raho

chup rahna kufr aur KHamoshi haram hai

momin ho din-e-ishq ke to bolte raho

itni tawil raat hamein kaTni hai sath

be-ant dastan kaho bolte raho

apna hasin KHwab sunate raho mujhe

ye KHwab TuTne hi na do bolte raho

ye sari kaenat KHamoshi ka raqs hai

aawaz mein sabaat hai so bolte raho

jitna sunoge utna sunaenge tum ko log

duniya ki ek bhi na suno bolte raho

phir se ye kaenat banaoge ai KHuda

to kun se ban na paegi go bolte raho

si di gai hai aankh zaban chaak zehn kund

aur hukm hai ki chup na raho bolte raho