zulmat-e-shab hi sahar ho jaegi

zulmat-e-shab hī sahar ho jā.egī

shiddat-e-ġham chārāgar ho jā.egī

rone vaale yuuñ musībat par na ro

zindagī ik dard-e-sar ho jā.egī

bād-e-tāmīr-e-makāñ zanjīr-e-ġham

ulfat-e-dīvār-o-dar ho jā.egī

lā dalīl-e-ishq-o-mastī darmiyāñ

ḳhatm bahs-e-ḳhair-o-shar ho jā.egī

zikr apnā jā-ba-jā achchhā nahīñ

sab kahānī be-asar ho jā.egī

sub.h-e-rāhat ke tasavvur ke tufail

har shab-e-ġham muḳhtasar ho jā.egī

sirf-o-azm-e-ātshīñ darkār hai

umr sargarm-e-safar ho jā.egī

aa rahā hai inqilāb-e-hashr-ḳhez

zindagī zer-o-zabar ho jā.egī

zulmat-e-shab hi sahar ho jaegi

shiddat-e-gham chaaragar ho jaegi

rone wale yun musibat par na ro

zindagi ek dard-e-sar ho jaegi

baad-e-tamir-e-makan zanjir-e-gham

ulfat-e-diwar-o-dar ho jaegi

la dalil-e-ishq-o-masti darmiyan

KHatm bahs-e-KHair-o-shar ho jaegi

zikr apna ja-ba-ja achchha nahin

sab kahani be-asar ho jaegi

subh-e-rahat ke tasawwur ke tufail

har shab-e-gham muKHtasar ho jaegi

sirf-o-azm-e-atshin darkar hai

umr sargarm-e-safar ho jaegi

aa raha hai inqilab-e-hashr-KHez

zindagi zer-o-zabar ho jaegi