حالت جسم صورت جاں اور بھی خراب

حالات جسم صورت جاں اور بھی خراب

چاروں طرف خراب یہاں اور بھی خراب

نظروں میں آ رہے ہیں نظارے بہت برے

ہونٹھوں میں آ رہی ہے زباں اور بھی خراب

پابند ہو رہی ہے روایت سے روشنی

چمنی میں گھٹ رہا ہے دھواں اور بھی خراب

مورت سنوارنے میں بگڑتی چلی گئی

پہلے سے ہو گیا ہے جہاں اور بھی خراب

آگے نکل گئے ہیں گھسٹتے ہوئے قدم

راہوں میں رہ گئے ہیں نشاں اور بھی خراب

سوچا تھا ان کے دیش میں مہنگی ہے زندگی

پر زندگی کا بھاؤ وہاں اور بھی خراب