aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ye sara jism jhuk kar bojh se dohra hua hoga

Dushyant Kumar

ye sara jism jhuk kar bojh se dohra hua hoga

Dushyant Kumar

MORE BYDushyant Kumar

    ye saarā jism jhuk kar bojh se dohrā huā hogā

    maiñ sajde meñ nahīñ thā aap ko dhokā huā hogā

    yahāñ tak aate aate suukh jaatī hai ka.ī nadiyāñ

    mujhe ma.alūm hai paanī kahāñ Thahrā huā hogā

    ġhazab ye hai apnī maut aahaT nahīñ sunte

    vo sab ke sab pareshāñ haiñ vahāñ par kyā huā hogā

    tumhāre shahr meñ ye shor sun sun kar to lagtā hai

    ki insānoñ ke jañgal meñ koī hāñkā huā hogā

    ka.ī faaqe bitā kar mar gayā jo us ke baare meñ

    vo sab kahte haiñ ab aisā nahīñ aisā huā hogā

    yahāñ to sirf gūñge aur bahre log baste haiñ

    ḳhudā jaane yahāñ par kis tarah jalsa huā hogā

    chalo ab yādgāroñ añdherī koTharī kholeñ

    kam-az-kam ek vo chehrā to pahchānā huā hogā

    ye sara jism jhuk kar bojh se dohra hua hoga

    main sajde mein nahin tha aap ko dhoka hua hoga

    yahan tak aate aate sukh jati hai kai nadiyan

    mujhe malum hai pani kahan Thahra hua hoga

    ghazab ye hai ki apni maut ki aahaT nahin sunte

    wo sab ke sab pareshan hain wahan par kya hua hoga

    tumhaare shahr mein ye shor sun sun kar to lagta hai

    ki insanon ke jangal mein koi hanka hua hoga

    kai faqe bita kar mar gaya jo us ke bare mein

    wo sab kahte hain ab aisa nahin aisa hua hoga

    yahan to sirf gunge aur bahre log baste hain

    KHuda jaane yahan par kis tarah jalsa hua hoga

    chalo ab yaadgaron ki andheri koThari kholen

    kam-az-kam ek wo chehra to pahchana hua hoga

    Source:

    saaye mein dhoop (Pg. 15)

    • Author: Dushyant Kumar
      • Edition: 1975,1995
      • Publisher: Radha krishna private limited
      • Year of Publication: 1975,1995
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now