akbar dabe nahīñ kisī sultāñ kī fauj se

lekin shahīd ho ga.e biivī kī nauj se

akbar dabe nahin kisi sultan ki fauj se

lekin shahid ho gae biwi ki nauj se

ham aisī kul kitābeñ qābil-e-zabtī samajhte haiñ

ki jin ko paḌh ke laḌke baap ko ḳhabtī samajhte haiñ

hum aisi kul kitaben qabil-e-zabti samajhte hain

ki jin ko paDh ke laDke bap ko KHabti samajhte hain

lipaT bhī jā na ruk 'akbar' ġhazab kī beauty hai

nahīñ nahīñ pe na jā ye hayā kī duty hai

lipaT bhi ja na ruk 'akbar' ghazab ki beauty hai

nahin nahin pe na ja ye haya ki duty hai

ham kyā kaheñ ahbāb kyā kār-e-numāyāñ kar ga.e

B.A hue naukar hue pension milī phir mar ga.e

hum kya kahen ahbab kya kar-e-numayan kar gae

BA hue naukar hue pension mili phir mar gae

ġhazab hai vo ziddī baḌe ho ga.e

maiñ leTā to uTh ke khaḌe ho ga.e

ghazab hai wo ziddi baDe ho gae

main leTa to uTh ke khaDe ho gae

vasl ho yā firāq ho 'akbar'

jāgnā raat bhar musībat hai

wasl ho ya firaq ho 'akbar'

jagna raat bhar musibat hai

haqīqī aur majāzī shā.erī meñ farq ye paayā

ki vo jaame se bāhar hai ye pājāme se bāhar hai

haqiqi aur majazi shaeri mein farq ye paya

ki wo jame se bahar hai ye pajame se bahar hai

jo vaqt-e-ḳhatna maiñ chīḳhā to naa.ī ne kahā hañs kar

musalmānī meñ tāqat ḳhuun hī bahne se aatī hai

jo waqt-e-KHatna main chiKHa to nai ne kaha hans kar

musalmani mein taqat KHun hi bahne se aati hai

is qadar thā khaTmaloñ kā chārpā.ī meñ hujūm

vasl kā dil se mire armān ruḳhsat ho gayā

is qadar tha khaTmalon ka chaarpai mein hujum

wasl ka dil se mere arman ruKHsat ho gaya

batā.ūñ aap ko marne ke ba.ad kyā hogā

polāo khā.eñge ahbāb fātiha hogā

bataun aap ko marne ke baad kya hoga

polao khaenge ahbab fatiha hoga

dhamkā ke bose lūñgā ruḳh-e-rashk-e-māh kā

chandā vasūl hotā hai sāhab dabāv se

dhamka ke bose lunga ruKH-e-rashk-e-mah ka

chanda wasul hota hai sahab dabaw se

coat aur patlūn jab pahnā to mister ban gayā

jab koī taqrīr kī jalse meñ leader ban gayā

coat aur patlun jab pahna to mister ban gaya

jab koi taqrir ki jalse mein leader ban gaya

mai bhī hotel meñ piyo chanda bhī do masjid meñ

shaiḳh bhī ḳhush raheñ shaitān bhī be-zār na ho

mai bhi hotel mein piyo chanda bhi do masjid mein

shaiKH bhi KHush rahen shaitan bhi be-zar na ho

raqīboñ ne rapaT likhvā.ī hai jā jā ke thāne meñ

ki 'akbar' naam letā hai ḳhudā kā is zamāne meñ

raqibon ne rapaT likhwai hai ja ja ke thane mein

ki 'akbar' nam leta hai KHuda ka is zamane mein

qaum ke ġham meñ dinner khāte haiñ hukkām ke saath

rañj leader ko bahut hai magar ārām ke saath

qaum ke gham mein dinner khate hain hukkaam ke sath

ranj leader ko bahut hai magar aaram ke sath

barbād gulistāñ karne ko bas ek hī ullū kaafī thā

har shāḳh pe ullū baiThā hai anjām-e-gulistāñ kyā hogā

barbaad gulistan karne ko bas ek hi ullu kafi tha

har shaKH pe ullu baiTha hai anjam-e-gulistan kya hoga

leaderoñ kī dhuum hai aur follower koī nahīñ

sab to general haiñ yahāñ āḳhir sipāhī kaun hai

leaderon ki dhum hai aur follower koi nahin

sab to general hain yahan aaKHir sipahi kaun hai

jab ġham huā chaḌhā liiñ do botaleñ ikaTThī

mullā kī dauḌ masjid 'akbar' kī dauḌ bhaTTī

jab gham hua chaDha lin do botalen ikaTThi

mulla ki dauD masjid 'akbar' ki dauD bhaTTi

baal apne baḌhāte haiñ kis vāste dīvāne

kyā shahr-e-mohabbat meñ hajjām nahīñ hotā

baal apne baDhate hain kis waste diwane

kya shahr-e-mohabbat mein hajjam nahin hota

shaiḳh apnī rag ko kyā kareñ reshe ko kyā kareñ

maz.hab ke jhagḌe chhoḌeñ to peshe ko kyā kareñ

shaiKH apni rag ko kya karen reshe ko kya karen

mazhab ke jhagDe chhoDen to peshe ko kya karen

bose apne āriz-e-gulfām ke

lā mujhe de de tire kis kaam ke

bose apne aariz-e-gulfam ke

la mujhe de de tere kis kaam ke

jab bhī vālid kī jafā yaad aa.ī

apne daadā kī ḳhatā yaad aa.ī

jab bhi walid ki jafa yaad aai

apne dada ki KHata yaad aai

āshiqī kā ho burā us ne bigāḌe saare kaam

ham to a.b meñ rahe aġhyār b.a ho ga.e

aashiqi ka ho bura us ne bigaDe sare kaam

hum to ab mein rahe aghyar ba ho gae

hue is qadar mohazzab kabhī ghar kā muñh na dekhā

kaTī umr hoTaloñ meñ mare aspatāl jā kar

hue is qadar mohazzab kabhi ghar ka munh na dekha

kaTi umr hoTalon mein mare aspatal ja kar

ta.alluq āshiq o māshūq kā to lutf rakhtā thā

maze ab vo kahāñ baaqī rahe biivī miyāñ ho kar

talluq aashiq o mashuq ka to lutf rakhta tha

maze ab wo kahan baqi rahe biwi miyan ho kar

in ko kyā kaam hai muravvat se apnī ruḳh se ye muñh na moḌeñge

jaan shāyad farishte chhoḌ bhī deñ doctor fees ko na chhoḌeñge

in ko kya kaam hai murawwat se apni ruKH se ye munh na moDenge

jaan shayad farishte chhoD bhi den doctor fees ko na chhoDenge

bole ki tujh ko diin kī islāh farz hai

maiñ chal diyā ye kah ke ki ādāb arz hai

bole ki tujh ko din ki islah farz hai

main chal diya ye kah ke ki aadab arz hai

mar.ūb ho ga.e haiñ vilāyat se shaiḳh-jī

ab sirf man.a karte haiñ desī sharāb ko

marub ho gae hain wilayat se shaiKH-ji

ab sirf mana karte hain desi sharab ko

ilm meñ jhīñgur se baḌh kar kāmrāñ koī nahīñ

chaaT jaatā hai kitābeñ imtihāñ koī nahīñ

ilm mein jhingur se baDh kar kaamran koi nahin

chaT jata hai kitaben imtihan koi nahin

in ko kyā kaam hai muravvat se apnī ruḳh se ye muñh na moḌeñge

jaan shāyad farishte chhoḌ bhī deñ doctor fees ko na chhoḌeñge

in ko kya kaam hai murawwat se apni ruKH se ye munh na moDenge

jaan shayad farishte chhoD bhi den doctor fees ko na chhoDenge

college se aa rahī hai sadā paas paas kī

ohdoñ se aa rahī hai sadā duur duur kī

college se aa rahi hai sada pas pas ki

ohdon se aa rahi hai sada dur dur ki

agar maz.hab ḳhalal-andāz hai mulkī maqāsid meñ

to shaiḳh o barhaman pinhāñ raheñ dair o masājid meñ

agar mazhab KHalal-andaz hai mulki maqasid mein

to shaiKH o barhaman pinhan rahen dair o masajid mein

vāqif nahīñ ki paañv meñ paḌtī haiñ beḌiyāñ

dūlhe ko ye ḳhushī hai ki merī barāt hai

waqif nahin ki panw mein paDti hain beDiyan

dulhe ko ye KHushi hai ki meri baraat hai

but-kade meñ shor hai 'akbar' musalmāñ ho gayā

be-vafāoñ se koī kah de ki haañ haañ ho gayā

but-kade mein shor hai 'akbar' musalman ho gaya

be-wafaon se koi kah de ki han han ho gaya

ek kāfir par tabī.at aa ga.ī

pārsā.ī par bhī aafat aa ga.ī

ek kafir par tabiat aa gai

parsai par bhi aafat aa gai

haqīqat ko chhupāyā ham se kyā kyā us ke make-up ne

jise lailā samajh baiThe the vo lailā kī maañ niklī

haqiqat ko chhupaya hum se kya kya us ke make-up ne

jise laila samajh baiThe the wo laila ki man nikli

begam bhī haiñ khaḌī huī maidān-e-hashr meñ

mujh se mire gunah kā hisāb ai ḳhudā na maañg

begam bhi hain khaDi hui maidan-e-hashr mein

mujh se mere gunah ka hisab ai KHuda na mang

us kī beTī ne uThā rakkhī hai duniyā sar par

ḳhairiyat guzrī ki añgūr ke beTā na huā

us ki beTi ne uTha rakkhi hai duniya sar par

KHairiyat guzri ki angur ke beTa na hua

public meñ zarā haath milā lījiye mujh se

sāhab mire īmān kī qīmat hai to ye hai

public mein zara hath mila lijiye mujh se

sahab mere iman ki qimat hai to ye hai

ḳhilāf-e-shar.a kabhī shaiḳh thūktā bhī nahīñ

magar añdhere ujāle meñ chūktā bhī nahīñ

KHilaf-e-shara kabhi shaiKH thukta bhi nahin

magar andhere ujale mein chukta bhi nahin

shaiḳh kī dāvat meñ mai kā kaam kyā

ehtiyātan kuchh mañgā lī jā.egī

shaiKH ki dawat mein mai ka kaam kya

ehtiyatan kuchh manga li jaegi

butoñ ke pahle bande the misoñ ke ab hue ḳhādim

hameñ har ahd meñ mushkil rahā hai bā-ḳhudā honā

buton ke pahle bande the mison ke ab hue KHadim

hamein har ahd mein mushkil raha hai ba-KHuda hona

hoñT kī shīrīniyāñ college meñ jab baTne lagīñ

chaar din ke chhokre karne lage farhādiyāñ

honT ki shiriniyan college mein jab baTne lagin

chaar din ke chhokre karne lage farhadiyan

tumhāre va.az meñ tāsīr to hai hazrat-e-vā.iz

asar lekin nigāh-e-nāz kā bhī kam nahīñ hotā

tumhaare waz mein tasir to hai hazrat-e-waiz

asar lekin nigah-e-naz ka bhi kam nahin hota

beTe ko cheque samajh liyā state-bank kā

samdhī talāsh karne lage high rank kā

beTe ko cheque samajh liya state-bank ka

samdhi talash karne lage high rank ka

chiin o arab hamārā hindostāñ hamārā

rahne ko ghar nahīñ hai saarā jahāñ hamārā

chin o arab hamara hindostan hamara

rahne ko ghar nahin hai sara jahan hamara

kaho to kyuuñ hai ye banñā-sañvarnā

mirī jaañ jaan loge kyā kisī kī

kaho to kyun hai ye banna-sanwarna

meri jaan jaan loge kya kisi ki

guzrī siyāhkārī meñ yā rab tamām umr

aadhī shabāb meñ kaTī aadhī ḳhizāb meñ

guzri siyahkari mein ya rab tamam umr

aadhi shabab mein kaTi aadhi KHizab mein

boot Dawson ne banāyā maiñ ne ik mazmūñ likhā

mulk meñ mazmūñ na phailā aur juutā chal gayā

boot Dawson ne banaya main ne ek mazmun likha

mulk mein mazmun na phaila aur juta chal gaya

goggle lagā ke aañkh par chalne lage hasīn

vo lutf ab kahāñ nigah-e-nīm-bāz kā

goggle laga ke aankh par chalne lage hasin

wo lutf ab kahan nigah-e-nim-baz ka