ہوئی رین چندن کا پلنا جھلاؤں
مرے لاڈلے تجھ کو لوری سناؤں
سدا جادو نگری کے دیکھے تو سپنے
بھرے پھول خوشیوں کے دامن میں اپنے
محبت سے تجھ کو سنواروں سجاؤں
مرے لاڈلے تجھ کو لوری سناؤں
تو نور نظر ہے تو گھر کا اجالا
بہت ناز سے ہے تجھے میں نے پالا
مرے چاند تجھ پہ سدا واری جاؤں
مرے لاڈلے تجھ کو لوری سناؤں
تو جھولا دھنک کا مرے لال جھولے
بڑا ہو کے تو کہکشاؤں کو چھو لے
ستارے ترے کھیلنے کو میں لاؤں
مرے لاڈلے تجھ کو لوری سناؤں
ترے واسطے ہیں مری سب دعائیں
ہمیشہ رہیں دور تجھ سے بلائیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
