agar hum un ke chakkar mein na yun aate to achchha tha

agar ham un ke chakkar meñ na yuuñ aate to achchhā thā

kuñvāre zindagī bhar rah ke mar jaate to achchhā thā

muqaddar meñ likhā thā ham jo un se jā ke Takrā.e

kisī patthar se apne sar ko Takrāte to achchhā thā

ga.e the bālTī bharne pe un se ishq kar baiThe

ghaḌe apne kisī masjid se bhar laate to achchhā thā

musībat ban gayā ghoḌī pe sahrā bāñdh kar chaḌhnā

ḳhushī se ham agar suulī pe chaḌh jaate to achchhā thā

raqīboñ ne hamārī ḳhāna-ābādī meñ shirkat kī

usī mauqa pe ye kambaḳht aḌ jaate to achchhā thā

vahī shādī kā laDDū khā ke pachhtānā paḌā ham ko

takalluf vāqa.ī us vaqt farmāte to achchhā thā

kahāñ hai tāb-o-tāqat jis pe tum ko naaz rahtā thā

javānī par na tum 'masrūr' itrāte to achchhā thā

agar hum un ke chakkar mein na yun aate to achchha tha

kunware zindagi bhar rah ke mar jate to achchha tha

muqaddar mein likha tha hum jo un se ja ke Takrae

kisi patthar se apne sar ko Takraate to achchha tha

gae the baalTi bharne pe un se ishq kar baiThe

ghaDe apne kisi masjid se bhar late to achchha tha

musibat ban gaya ghoDi pe sahra bandh kar chaDhna

KHushi se hum agar suli pe chaDh jate to achchha tha

raqibon ne hamari KHana-abaadi mein shirkat ki

usi mauqa pe ye kambaKHt aD jate to achchha tha

wahi shadi ka laDDu kha ke pachhtana paDa hum ko

takalluf waqai us waqt farmate to achchha tha

kahan hai tab-o-taqat jis pe tum ko naz rahta tha

jawani par na tum 'masrur' itraate to achchha tha