ata jo mujhko zara sa KHizab ho jae

'atā jo mujh ko zarā sā ḳhizāb ho jaa.e

palaT ke merī za'īfī shabāb ho jaa.e

jo jinsiyāt sharīk-e-nisāb ho jaa.e

har ek boyfriend kāmyāb ho jaa.e

ḳhudā-na-ḳhvāsta vo be-naqāb ho jaa.e

to zindagānī hamārī 'azāb ho jaa.e

vo mast-e-ḳhvāb jo mast-e-sharāb ho jaa.e

duā-e-vasl mirī mustajāb ho jaa.e

'adū se aap zarā soch kar milā kījiye

kahīñ na jal ke mirā dil kabāb ho jaa.e

karo na itnā takabbur jamāl par apne

malogī haath jo ruḳhsat shabāb ho jaa.e

jo ek baar bhī tum ḳhvāb meñ nazar aao

tamām 'umr vo mahrūm-e-ḳhvāb ho jaa.e

milegī seat election meñ aap ko ik din

agar ye chamcha-garī kāmyāb ho jaa.e

machā.e dhuum har ik mahfil-e-suḳhan meñ 'rahīm'

kalām aisā agar dastyāb ho jaa.e

'ata jo mujh ko zara sa KHizab ho jae

palaT ke meri za'ifi shabab ho jae

jo jinsiyat sharik-e-nisab ho jae

har ek boyfriend kaamyab ho jae

KHuda-na-KHwasta wo be-naqab ho jae

to zindagani hamari 'azab ho jae

wo mast-e-KHwab jo mast-e-sharab ho jae

dua-e-wasl meri mustajab ho jae

'adu se aap zara soch kar mila kijiye

kahin na jal ke mera dil kabab ho jae

karo na itna takabbur jamal par apne

malogi hath jo ruKHsat shabab ho jae

jo ek bar bhi tum KHwab mein nazar aao

tamam 'umr wo mahrum-e-KHwab ho jae

milegi seat election mein aap ko ek din

agar ye chamcha-gari kaamyab ho jae

machae dhum har ek mahfil-e-suKHan mein 'rahim'

kalam aisa agar dastyab ho jae