bahut zoron pe w-c-r tha kal shab jahan main tha

bahut zoroñ pe v-c-r thā kal shab jahāñ maiñ thā

har ik nāzir baḌā bedār thā kal shab jahāñ maiñ thā

siyah zulf-e-pareshāñ ke evaz shāne pe choTī thī

sitāra thā magar dum-dār thā kal shab jahāñ maiñ thā

añdherā hī añdherā chhā gayā hai load-sheDDing se

na jaane kis taraf ko yaar thā kal shab jahāñ maiñ thā

baḌe armān se niklā thā shopping ke liye ghar se

closing pe har ik bāzār thā kal shab jahāñ maiñ thā

zabardastī kā maiñ qaa.el na thā vāpas chalā aayā

ki us ke hoñT par inkār thā kal shab jahāñ maiñ thā

aḌan.chū thā sag-e-māshūq 'be-dil' apnī duty se

na pahra thā na pahre-dār thā kal shab jahāñ maiñ thā

bahut zoron pe w-c-r tha kal shab jahan main tha

har ek nazir baDa bedar tha kal shab jahan main tha

siyah zulf-e-pareshan ke ewaz shane pe choTi thi

sitara tha magar dum-dar tha kal shab jahan main tha

andhera hi andhera chha gaya hai load-sheDDing se

na jaane kis taraf ko yar tha kal shab jahan main tha

baDe arman se nikla tha shopping ke liye ghar se

closing pe har ek bazar tha kal shab jahan main tha

zabardasti ka main qael na tha wapas chala aaya

ki us ke honT par inkar tha kal shab jahan main tha

aDanchu tha sag-e-mashuq 'be-dil' apni duty se

na pahra tha na pahre-dar tha kal shab jahan main tha