chullu-bhar pani mein jake Dub mar

chullū-bhar paanī meñ jaake Duub mar

kuchh na kuchh ġhairat hī khā ke Duub mar

saaf paanī to yahāñ miltā nahīñ

ab kisī naale meñ jaake Duub mar

shā.irī to tujh se ho saktī nahīñ

dūsroñ ke sher gā ke Duub mar

bahtī gañgā se hai terī dostī

maiñ to kahtā huuñ nahā ke Duub mar

ye bhī hai kār-e-javāñ-mardāñ miyāñ

khil-khilā ke hañs-hañsā ke Duub mar

umr-bhar tū ne nahīñ khāyā halāl

o-nikamme zahr khā ke Duub mar

ye burā.ī ek hī dam ḳhatm ho

saath apne āshnā ke Duub mar

chullu-bhar pani mein jake Dub mar

kuchh na kuchh ghairat hi kha ke Dub mar

saf pani to yahan milta nahin

ab kisi nale mein jake Dub mar

shairi to tujh se ho sakti nahin

dusron ke sher ga ke Dub mar

bahti ganga se hai teri dosti

main to kahta hun naha ke Dub mar

ye bhi hai kar-e-jawan-mardan miyan

khil-khila ke hans-hansa ke Dub mar

umr-bhar tu ne nahin khaya halal

o-nikamme zahr kha ke Dub mar

ye burai ek hi dam KHatm ho

sath apne aashna ke Dub mar