gar yun na kiya nafas pe main jaur karunga

gar yuuñ na kiyā nafas pe maiñ jaur karūñgā

ik biivī hai pahle mirī tiin aur karūñgā

har suube se lā.ūñgā dulhan apne liye maiñ

is azm kī takmīl maiñ fil-faur karūñgā

ai mere vatan maiñ tirī yak-jehtī kī ḳhātir

chāroñ ko ikaTThā yahāñ lahore karūñgā

mahbūb mire qadmoñ meñ aa aa ke gireñge

aurād-o-vazā.if kā maiñ yuuñ daur karūñgā

aulād kī kasrat pe hai sau sau yahāñ qadġhan

maiñ sau se ziyāda to bahar-taur karūñgā

maiñ jaur karūñ un pe ye hogī kahāñ jur.at

vo mil ke na pīTeñgī agar jaur karūñgā

ḳharche ke liye dhanda smuggling kā hai achchhā

kis shai kī smuggling ho abhī ġhaur karūñgā

gar yun na kiya nafas pe main jaur karunga

ek biwi hai pahle meri tin aur karunga

har sube se launga dulhan apne liye main

is azm ki takmil main fil-faur karunga

ai mere watan main teri yak-jehti ki KHatir

chaaron ko ikaTTha yahan lahore karunga

mahbub mere qadmon mein aa aa ke girenge

aurad-o-wazaif ka main yun daur karunga

aulad ki kasrat pe hai sau sau yahan qadghan

main sau se ziyaada to bahar-taur karunga

main jaur karun un pe ye hogi kahan jurat

wo mil ke na piTengi agar jaur karunga

KHarche ke liye dhanda smuggling ka hai achchha

kis shai ki smuggling ho abhi ghaur karunga