ho rahe hain nit nae qanun jari in dinon

ho rahe haiñ nit-na.e qānūn jaarī in dinoñ

chal rahī hai dil pe aalam ke kaTārī in dinoñ

tax kī bhar-mār se mātam hai saare hind meñ

kuchh sunī jaatī nahīñ fariyād-o-zārī in dinoñ

hākimān-e-hind ko apnī hī ishrat se hai kaam

kaun kartā hai hamārī ġham-gusārī in dinoñ

maal o izzat jāh-o-mansab apne sab jaate rahe

rah ga.ī hai sirf un kī yādgārī in dinoñ

officoñ meñ sar khule bañgāliyoñ kī dhuum hai

mar rahe haiñ maare fāqoñ ke bihārī in dinoñ

ilm hāsil kar ke bhī miltī nahīñ hai naukrī

rahm ke qābil hai bas hālat hamārī in dinoñ

ham fidā hoñ un pe aur vo ham se yuuñ bad-zan raheñ

kaam aatī hai nahīñ kuchh jāñ-nisārī in dinoñ

jaur un ke sahte sahte naak meñ dam aa gayā

kyā karūñ kartā nahīñ hai baḳht yaarī in dinoñ

pattā pattā india ke baaġh kā murjhā gayā

kyuuñ idhar aatī nahīñ bād-e-bahārī in dinoñ

TūTī-phūTī saḌkeñ hoñ is paTna jaise shahr meñ

ḳhalq hai municipality se aarī in dinoñ

hai ye satvat baat karte mulk barahmā fat.h thā

teġh-e-englistan pe hai kiyā āb-dārī in dinoñ

ḳhush-bayānī par jo apnī shaad rahte the bahut

un kī hai rañj-o-alam sahne kī baarī in dinoñ

sunte haiñ ab tak nahīñ aayā himāqat se vo baaz

sar pe ahmaq ke hai phir jin kī savārī in dinoñ

gul-ezār-e-pārsī har dam gale kā haar hai

loTtī hai ḳhaak par mālan bichārī in dinoñ

fārsī bhī ho ga.ī ab to zabān-e-mādrī

qābiliyyat ho ga.ī duunī duunī hamārī in dinoñ

ho rahe hain nit-nae qanun jari in dinon

chal rahi hai dil pe aalam ke kaTari in dinon

tax ki bhar-mar se matam hai sare hind mein

kuchh suni jati nahin fariyaad-o-zari in dinon

hakiman-e-hind ko apni hi ishrat se hai kaam

kaun karta hai hamari gham-gusari in dinon

mal o izzat jah-o-mansab apne sab jate rahe

rah gai hai sirf un ki yaadgari in dinon

officon mein sar khule bangaliyon ki dhum hai

mar rahe hain mare faqon ke bihaari in dinon

ilm hasil kar ke bhi milti nahin hai naukri

rahm ke qabil hai bas haalat hamari in dinon

hum fida hon un pe aur wo hum se yun bad-zan rahen

kaam aati hai nahin kuchh jaan-nisari in dinon

jaur un ke sahte sahte nak mein dam aa gaya

kya karun karta nahin hai baKHt yari in dinon

patta patta india ke bagh ka murjha gaya

kyun idhar aati nahin baad-e-bahaari in dinon

TuTi-phuTi saDken hon is paTna jaise shahr mein

KHalq hai municipality se aari in dinon

hai ye satwat baat karte mulk barahma fath tha

tegh-e-englistan pe hai kiya aab-dari in dinon

KHush-bayani par jo apni shad rahte the bahut

un ki hai ranj-o-alam sahne ki bari in dinon

sunte hain ab tak nahin aaya himaqat se wo baz

sar pe ahmaq ke hai phir jin ki sawari in dinon

gul-ezar-e-parsi har dam gale ka haar hai

loTti hai KHak par malan bichaari in dinon

farsi bhi ho gai ab to zaban-e-madri

qabiliyyat ho gai duni duni hamari in dinon