jab kabhi yunhi sanak jata hun main

jab kabhī yūñhī sanak jaatā huuñ maiñ

shā.erī meñ daḳhl farmātā huuñ maiñ

DhūñD letā huuñ radīf-o-qāfiye

baiTh kar phir sher farmātā huuñ maiñ

Dhang kī mil jaa.e gar koī zamīn

duur tak phir pair phailātā huuñ maiñ

hijr meñ bigḌī hai apnī shakl yuuñ

dekh kar ā.īna Dar jaatā huuñ maiñ

jab koī kahtā hai tum se pyaar hai

peḌ par ghabrā ke chaḌh jaatā huuñ maiñ

ab nasīhat kā asar hotā nahīñ

kis qadar nāseh ko samjhātā huuñ maiñ

ḳhuub kartā huuñ maiñ sab par e.atibār

aur dhoka bārhā khātā huuñ maiñ

ḳhalq ko masrūr karnā kaam hai

aur miyāñ 'masrūr' kahlātā huuñ maiñ

jab kabhi yunhi sanak jata hun main

shaeri mein daKHl farmata hun main

DhunD leta hun radif-o-qafiye

baiTh kar phir sher farmata hun main

Dhang ki mil jae gar koi zamin

dur tak phir pair phailata hun main

hijr mein bigDi hai apni shakl yun

dekh kar aaina Dar jata hun main

jab koi kahta hai tum se pyar hai

peD par ghabra ke chaDh jata hun main

ab nasihat ka asar hota nahin

kis qadar naseh ko samjhata hun main

KHub karta hun main sab par eatibar

aur dhoka barha khata hun main

KHalq ko masrur karna kaam hai

aur miyan 'masrur' kahlata hun main