leader se KHitab

agar nahīñ hai koī kaam kaam paidā kar

kahīñ se DhūñDh ke mīnā-o-jām paidā kar

na phañsnā gardish-e-lail-o-nahār meñ zinhār

tū roz ek na.ī sub.h-o-shām paidā kar

tū har tarah ke sabhī kaam le ġhulāmoñ se

ġhulām gar nahīñ milte ġhulām paidā kar

diloñ meñ tiir kī mānind jo utar jaa.e

talāsh kar ke kuchh aisā kalām paidā kar

sunā ke naam se apne ḳhud-e'timādī se

asātiza kī safoñ meñ maqām paidā kar

tire itaab se Darte haiñ jaise ghar vaale

ma.āshre meñ bhī aisā maqām paidā kar

zamāna aa ke tire dar pe sar jhukā.egā

kisī tarah se siyāsat meñ naam paidā kar

jo aarzī hī sahī chand rāhateñ le kar

zamīr bech deñ aise avaam paidā kar

raheñgī do se ziyāda bhī jis meñ talvāreñ

kisī tarah se ik aisī niyām paidā kar

lagā ke paan meñ khaa.e to qaum so jaa.e

milā ke bhañg nayā ik qivām paidā kar

tū chāhtā hai tirī 'ḳhvāh-maḳhvāh' shohrat ho

ḳhudī ko bech amīrī meñ naam paidā kar

agar nahin hai koi kaam kaam paida kar

kahin se DhunDh ke mina-o-jam paida kar

na phansna gardish-e-lail-o-nahaar mein zinhaar

tu roz ek nai subh-o-sham paida kar

tu har tarah ke sabhi kaam le ghulamon se

ghulam gar nahin milte ghulam paida kar

dilon mein tir ki manind jo utar jae

talash kar ke kuchh aisa kalam paida kar

suna ke nam se apne KHud-e'timadi se

asatiza ki safon mein maqam paida kar

tere itab se Darte hain jaise ghar wale

maashre mein bhi aisa maqam paida kar

zamana aa ke tere dar pe sar jhukaega

kisi tarah se siyasat mein nam paida kar

jo aarzi hi sahi chand rahaten le kar

zamir bech den aise awam paida kar

rahengi do se ziyaada bhi jis mein talwaren

kisi tarah se ek aisi niyam paida kar

laga ke pan mein khae to qaum so jae

mila ke bhang naya ek qiwam paida kar

tu chahta hai teri 'KHwah-maKHwah' shohrat ho

KHudi ko bech amiri mein nam paida kar