maut par nani ke gham mein baal munDwaenge kya

maut par naanī ke ġham meñ baal muñDvā.eñge kyā

phir se baḌh aane talak naanā na mar jā.eñge kyā

phir se vo yogā kī varzish kar rahe haiñ baam par

phir se laTh apne mohalle meñ vo chalvā.eñge kyā

ek bosa de ke vo bole maza aayā nahīñ

ek bose meñ rumūz-e-ishq khul jā.eñge kyā

pahle dil par haath maarā phir jigar bhī khā ga.e

noch kar vo ab hamārī boTiyāñ khā.eñge kyā

baa'd muddat ke hue haiñ ham tumhāre mehmāñ

ab binā khaa.e piye yūñhī saTak jā.eñge kyā

aa rahe haiñ vo passenger se ilāhī ḳhair ho

dekhiye ham zindagī meñ un se mil pā.eñge kyā

chaar din kī zindagī meñ do kaTe sasurāl meñ

do dinoñ ke vāste 'masrūr' ghar jā.eñge kyā

maut par nani ke gham mein baal munDwaenge kya

phir se baDh aane talak nana na mar jaenge kya

phir se wo yoga ki warzish kar rahe hain baam par

phir se laTh apne mohalle mein wo chalwaenge kya

ek bosa de ke wo bole maza aaya nahin

ek bose mein rumuz-e-ishq khul jaenge kya

pahle dil par hath mara phir jigar bhi kha gae

noch kar wo ab hamari boTiyan khaenge kya

ba'd muddat ke hue hain hum tumhaare mehman

ab bina khae piye yunhi saTak jaenge kya

aa rahe hain wo passenger se ilahi KHair ho

dekhiye hum zindagi mein un se mil paenge kya

chaar din ki zindagi mein do kaTe sasural mein

do dinon ke waste 'masrur' ghar jaenge kya