sar pe chaDha rakha hai

maiñ ne pūchhā ki ye kyā haal banā rakhā hai

na to make-up hai na bāloñ ko sajā rakhā hai

chheḌtī rahtī haiñ aksar lab-o-ruḳhsāroñ ko

tum ne zulfoñ ko bahut sar pe chaḌhā rakhā hai

muskurāte hue us ne ye kahā shoḳhī se

ek dīvāne ne dīvāna banā rakhā hai

jeb ġhā.eb hai to nefā hai baTan ke badle

tum ne patlūn kā pājāma banā rakhā hai

mashriqī rehn-sahn chāl-o-chalan maġhrib kā

ham ne tahzīb kā shīr-ḳhurma banā rakhā hai

gar sila doge mujhe merī vafāoñ ke evaz

maañg lūñgā tumheñ in.aam meñ kyā rakhā hai

jo sabhī dekh chuke ham vo nahīñ dekheñge

vo dikhāo hameñ jo sab se chhupā rakhā hai

un ko aġhyār mohabbat se lagāte haiñ gale

mujh ko apnoñ ne bhī begāna banā rakhā hai

zindagī maut kī tamhīd hai par logoñ ne

muḳhtasar baat kā afsāna banā rakhā hai

log bhūleñ na kabhī aisā taḳhallus rakhiye

naam to naam hai bas naam meñ kyā rakhā hai

qāfiye aur radīfoñ-o-taḳhallus ke sivā

'ḳhvāh-maḳhvāh' aap ke ash.ār meñ kyā rakhā hai

main ne puchha ki ye kya haal bana rakha hai

na to make-up hai na baalon ko saja rakha hai

chheDti rahti hain aksar lab-o-ruKHsaron ko

tum ne zulfon ko bahut sar pe chaDha rakha hai

muskuraate hue us ne ye kaha shoKHi se

ek diwane ne diwana bana rakha hai

jeb ghaeb hai to nefa hai baTan ke badle

tum ne patlun ka pajama bana rakha hai

mashriqi rehn-sahn chaal-o-chalan maghrib ka

hum ne tahzib ka shir-KHurma bana rakha hai

gar sila doge mujhe meri wafaon ke ewaz

mang lunga tumhein inam mein kya rakha hai

jo sabhi dekh chuke hum wo nahin dekhenge

wo dikhao hamein jo sab se chhupa rakha hai

un ko aghyar mohabbat se lagate hain gale

mujh ko apnon ne bhi begana bana rakha hai

zindagi maut ki tamhid hai par logon ne

muKHtasar baat ka afsana bana rakha hai

log bhulen na kabhi aisa taKHallus rakhiye

nam to nam hai bas nam mein kya rakha hai

qafiye aur radifon-o-taKHallus ke siwa

'KHwah-maKHwah' aap ke ashaar mein kya rakha hai