husn par etibar had kar di

husn par e'tibār had kar dī

aap ne bhī 'figār' had kar dī

aadmī shāhkār-e-fitrat hai

mere parvardigār had kar dī

shām-e-ġham sub.h-e-hashr tak pahuñchī

ai shab-e-intizār had kar dī

ek shādī to Thiik hai lekin

ek do tiin chaar had kar dī

zauja aur rickshaw meñ are tauba

dāshta aur ba-kār had kar dī

chhe mahīne ke ba.ad niklā hai

aap kā hafta-vār had kar dī

ghar se bhāge to koī baat nahīñ

zindagī se farār had kar dī

ek misre meñ masnavī likh dī

is qadar iḳhtisār had kar dī

kyā murassā ġhazal kahī hai 'figār'

aaj to tū ne yaar had kar dī

husn par e'tibar had kar di

aap ne bhi 'figar' had kar di

aadmi shahkar-e-fitrat hai

mere parwardigar had kar di

sham-e-gham subh-e-hashr tak pahunchi

ai shab-e-intizar had kar di

ek shadi to Thik hai lekin

ek do tin chaar had kar di

zauja aur rickshaw mein are tauba

dashta aur ba-kar had kar di

chhe mahine ke baad nikla hai

aap ka hafta-war had kar di

ghar se bhage to koi baat nahin

zindagi se farar had kar di

ek misre mein masnawi likh di

is qadar iKHtisar had kar di

kya murassa ghazal kahi hai 'figar'

aaj to tu ne yar had kar di