kaise na ho ye dard jo fidwi ke sar mein hai

kaise na ho ye dard jo fidvī ke sar meñ hai

ik zauja-e-alīl jo muddat se ghar meñ hai

hai mubtalā-e-ishq-e-butāñ merā doctor

jo mujh meñ virus hai vahī chāra-gar meñ hai

bheñgī agar dulhan hai zarā sī to kyā huā

lākhoñ kā maal bhī to hamārī nazar meñ hai

hai vāqa.ī kamāl ye contact lens kā

ik bahr-e-nīlgūñ jo tirī chashm-e-tar meñ hai

specialist pain-killer de to kaun saa?

''sāre jahāñ kā dard hamāre jigar meñ hai''

maska lagā ke boss ko apnā banā liyā

'shāhid' ye jāntā hai ki jaadū butter meñ hai

kaise na ho ye dard jo fidwi ke sar mein hai

ek zauja-e-alil jo muddat se ghar mein hai

hai mubtala-e-ishq-e-butan mera doctor

jo mujh mein wirus hai wahi chaara-gar mein hai

bhengi agar dulhan hai zara si to kya hua

lakhon ka mal bhi to hamari nazar mein hai

hai waqai kamal ye contact lens ka

ek bahr-e-nilgun jo teri chashm-e-tar mein hai

specialist pain-killer de to kaun sa?

sare jahan ka dard hamare jigar mein hai

maska laga ke boss ko apna bana liya

'shahid' ye jaanta hai ki jadu butter mein hai